Арнасай ауылының жалпы білім беретін мектебі " КММ-де қазақ ағартушысы, қоғам және мемлекет қайраткері, ақын, ғалым Ахмет Байтұрсыновтың 150 жылдығына арналған "Қазақ руханиятының көсемі" атты кітап көрмесі ұйымдастырылды.

Арнасай ауылының жалпы білім беретін мектебі " КММ-де қазақ ағартушысы, қоғам және мемлекет қайраткері, ақын, ғалым Ахмет Байтұрсыновтың 150 жылдығына арналған "Қазақ руханиятының көсемі" атты кітап көрмесі ұйымдастырылды.
Ахмет Байтұрсынов 1872 жылы 5 қыркүйекте Қостанай облысы Тосын болысының Сарытүбек ауылында дүниеге келген. 1891 жылы Торғайдағы ауыл және екі сыныпты орыс-қазақ мектебін бітіргеннен кейін Орынбордағы мұғалімдер даярлайтын оқу орнына түсті.
А. Байтұрсынов қоғамдық-саяси қызметке белсенді қатысты. 1905 жылы Қарқаралы петициясының авторларының бірі болды. 1913-1918 жылдары А. Бөкейхановпен, М. Дулатовпен бірге алғашқы жалпыұлттық "Қазақ" газетін шығарды. А. Байтұрсынов бастаған Алаш зияткерлік элитасы дайындаған "Алаш" партиясының бағдарламасы "Қазақ" газетінде жарияланды. 1917 жылы ІІ жалпықазақ съезінде А. Байтұрсынов Алаш Орданың тізімдерін қарап, бекіткен оқу-ағарту комиссиясының төрағасы болып сайланды. РКФСР Халық Комиссарлары Кеңесі және Қазақ әскери-революциялық комитеті төрағасының орынбасары болды.